究竟想改善額頭問題嘅妳，了唔了解自己嘅問題喺邊呢 ？

好多女仔都會有抬頭紋，但大家好多時會俾廣告上嘅試做價吸引，$988、$688 打BOTOX 就相信可以完全改善到，結果係打完都好似唔係心目中想要嘅效果 。

要改善額頭飽滿度，首先要了解自己嘅情況屬於邊一類。

盲中中打，除咗達唔到理想效果，更有可能出現硬膠面，到時就得不償失喇。

以下有幾張真實相片，係店主本人。

 

相中上圖係14年前影嘅，有抬頭紋，額頭屬於天生冇肉，而且因為由細到大習慣戚眉，喺廿歲頭就形成咗靜態紋 （即使唔戚眉都有一條深嘅紋）。

戚眉屬於表情肌肉，每當有不同表情而產生紋理，哩種叫動態紋，但日子耐左，因為習以為常，而令皮膚表面即使冇表情都出現紋理，哩種叫靜態紋。

先講動態紋，主要因為肌肉郁動而產生，可以用肉毒桿菌 （BOTOX，SIAX，XEOMI，DYSPORT）改善，至於哩幾種肉毒桿菌嘅分別遲啲再同大家講解。

而靜態紋，係皮膚表皮嘅紋，如果淺層嘅一樣可以用肉毒桿菌改善，但打法同打肌肉層係有分別，哩方面當然交俾醫生啦。

如果形成靜態紋，但膠原流失而形成更深嘅紋理就可選擇用透明質酸填充 。

 

打肉毒桿菌後，發現額頭凹陷情況冇改善 ？咁係好正常嘅情況。因為肉毒桿菌唔係改善額頭飽滿嘅！

而上面第一張相就係經過BOTOX 控制肌肉後，額頭因動態產生嘅紋理減少咗，但可見，額頭冇肉嘅情況冇改善。

如果要改善額頭嘅飽滿度，大家都應該聽過透明質酸可以填充，但選擇透明質酸填充，好處係透明質酸會被身體吸收，而且6-9個月可以慢慢流失，但唔好嘅地方係維持得唔耐，要KEEP住打，同埋用嘅量要好多。一般嚟講，一支大廠正貨透明質酸，大概 3500-4500不等，一個額頭最少需要4-6支。當然仲要睇你遇到嘅醫生係邊一類，店主曾經喺醫學美容任職治療師、顧問，進取嘅醫生甚至會建議一個額頭用9 支，而保守嘅醫生會建議3-4支，寧願唔夠再補。小數怕長計，講到哩度大家都心中有數喇。

 

咁除咗透明質酸，究竟仲有咩選擇呢 ？ 價錢合理得嚟效果又維持到呢？

店主會建議少女針 ELLANSE 或 新一代精靈針 AESTHEFILL，係屬於膠原自生嘅針劑，好處係因為膠原自生，效果好自然，而且LONG LASTING，唔會出現硬膠情況，好多客人打完都話身邊嘅人覺得佢哋後生咗靚咗，但睇唔出佢哋做過啲咩。香港人比較保守，希望可以靚啲後生啲，但唔想要網紅臉 （當然宜家已經唔流行 ），靚得嚟又唔想俾人知自己做過醫美療程。所以大家喺選擇做醫美療程嘅時候，真係唔好貪平貪試做價，先了解自己想改善嘅問題，再搵適合自己嘅方法啦！

 

順帶一提，額頭嘅改善亦相對可以改善眉形，明顯可見起角嘅眉會變得柔和，以前總係俾人話個樣惡，好似好難相處咁，連睇相師傅都讚額頭好靚好飽滿。

 

如果大家想咨詢專業醫美意見可以 FACEBOOK OR IG SEARCH ：Mindful medical beauty

IG : https://instagram.com/mindful_medical_beauty?igshid=YWJhMjlhZTc=

FACEBOOK : https://www.facebook.com/mindfulmedicalbeauty?mibextid=LQQJ4d